Tenson de Guillaume Rainols et de Guillaume Magret.
Magret, puiat m' es el cap
So qu' inz el ventre no m cap;
Bons es per listr' e per drap,
Mas qui be us quier ni us esterna
Trobar vos pot, si no us sap,
Pres del vaissel ab l' enap,
Qu'ades tendetz vostre trap
Lai on sintetz la taverna.
Guillems Ranols, a mescap
Metrai mos motz qu' ieu arap
De tal loc, e trop non gap,
On non voill lum ni lanterna;
E s' ieu a vilans escap
Si que neguns no m' atrap,
Don tenc lor parlar per gap,
En talant ai que us esquerna.
A penas i trop que i lim
Merce d' En Bernart Razim,
Magret, que us ten sec e prim
En estiu, e quant iverna;
E us ai vist un tal noirim,
Que us fan plus lag de Caym,
E us reverson la luzerna.
Guillems, de la claustra us vim
Issir enceint ab un vim;
E s' ieu de vos no m' escrim
Non voill mais beure a Maerna,
Qu'anc, pois nos enjoglarim,
Vos n' ieu non sai auzim
Tan bos motz ni que meils rim
Com vos don l' arma s' enferna...
.jpg "Guillaume, Guillem, Magret, Maigret, 1195 - 1210")
